Ұлттық қоғамдық сенім кеңесінің кезекті отырысында мемлекет басшысы Қасым-Жомарт Тоқаев 2021 жылғы 10 қаңтарда өтетін Мәжіліс сайлауына қатысты пікір білдірді, деп хабарлайды «ҚазАқпарат» жаңалықтар ресурсы.
Президент парламенттік сайлау күні жарияланғаннан кейін, Қазақстанда кезекті сайлау циклі басталғанын мәлімдеді. Тоқаевтың пікірінше, Парламенттің төменгі палатасына сайлау — тұрақты демократиялық институттар құру жолындағы маңызды қадам.
Мәжілістегі депутаттық мандаттар үшін ресми тіркелген алты саяси партия күресетін болады. Республика басшысы олардың сайлауға дайындалуға уақыты жеткілікті екенін атап өтті. Сонымен қатар, ол барлық саяси бірлестіктер бәсекелестіктің жоғары деңгейін көрсететініне сенім білдірді.
Қасым-Жомарт Тоқаев бұл жолы парламенттік сайлау ел Конституциясында белгіленген мерзімде өтетінін атап өтті.
Бұған дейін 10 қаңтарда Қазақстанда тек Мәжіліске ғана емес, мәслихаттарға да сайлау өткізілетіні хабарланған. Ортсайлаукомның деректеріне сәйкес, оларды өткізу республикалық бюджетке 15,3 миллиард теңгеге түседі.
Сурет: informburo.kz
