Қазақстан президенті Қасым-Жомарт Тоқаев АҚШ конгресінің өкілдері Девин Нуньес және Рик Кроуфордпен кездесу өткізді. Бұл туралы мемлекет басшысының баспасөз қызметі хабарлады.
Кездесу барысында қатысушылар күн тәртібіндегі өзекті мәселелерді талқылады. Америка екі ел арасындағы стратегиялық серіктестікті кеңейтуді қалайды деді АҚШ конгресмендері.
Кездесу барысында Америка заң шығарушылары Қасым-Жомарт Тоқаевты президенттік сайлаудағы жеңісімен құттықтады.
Әңгіме соңында олар Қазақстан Республикасының Орталық Азияда тұрақтылық пен қауіпсіздікті сақтаудағы рөлін жоғары бағалады.
Сурет: akorda.kz
