Қазақстан президенті Қасым-Жомарт Тоқаев “Самұрық-Қазына” қорының басшысы Ахметжан Есімовпен кездесті. Ол Тоқаевқа Қордың өткен жылғы жұмысының алдын ала нәтижелері туралы баяндады. Бұл туралы “ҚазАқпарат”жаңалықтар ресурсы хабарлайды.
Әлемдік дағдарыс құбылыстары мен індетке қарамастан, қор 2020 жылы өз міндетін табысты орындап, “Самұрық-Қазына” компаниялары қызметкерлерді қысқарту мәселесінде жылды ең аз шығынмен аяқтай алды. Қор компанияларының активтері 800 миллиард теңгеге өсті.
Есімовтың айтуынша, өткен үш жыл ішінде қордан қарыздарды өтеу есебіне Ұлттық қорға 554 миллиард теңге аударылған. Қор компанияларының бизнес-процестерін цифрлық трансформациялаудан түсетін пайда 171 миллиард теңгеге жетті.
Сондай-ақ, Президентке отандық тауар өндірушілерге қолдау көрсету бойынша жүргізіліп жатқан жұмыстар туралы айтылды. 2018 жылдан бастап 2020 жылға дейінгі кезең нәтижелеріне сәйкес сатып алу бойынша үнем 410 миллиард теңгеге жетті.
Standard & Poor s халықаралық рейтингтік агенттігінде жүзеге асырылып жатқан жұмыс қорытындылары бойынша “Самұрық–Қазына” қорының ВВ /В “тұрақты”деңгейіндегі кредиттік рейтингі расталды.
Сондай-ақ, Есімов отандық “Қазмұнайгаз” компаниясы мұнай бағасының айтарлықтай төмендеуіне және ОПЕК+-тің шектелуіне қарамастан, оң қаржылық рейтингтерді сақтағанын хабарлады.
Сурет: ktk.kz
