ҚР Президенті Қасым-Жомарт Тоқаев жергілікті жерлерде газдандыру жұмыстары туралы айтты, деп ХАА “ҚазАқпарат” Ақорданың Twitter-ге сілтеме жасап хабарлайды.
“Мемлекет жылдам қарқынмен магистральды газ құбырын жүргізді, сонымен қатар жергілікті жерлерде жұмыс жүргізілген жоқ. Желілер дайын емес. Әкімдіктің болмауынан тұрғындар уақытылы газ ала алмай отыр. Осы уақытқа дейін кент ішіндегі желілер құрылысына құжаттар алынған жоқ”, – деп атап өтті ол Көкшетауда Ақмола облысын дамыту мәселелері жөніндегі кеңес барысында.
“Үкіметке облыс әкімдігімен бірлесіп, 2020-2021 жылдары Аршалы және Целиноград аудандарында газбен жабдықтау желілерін салуды қамтамасыз етуді тапсырамын”, – деді Мемлекет басшысы.
