Қазақстан президенті Қасым-Жомарт Тоқаев мәдениет және спорт министрлігінің басшысы Ақтоты Райымқұлованы қабылдады. Бұл туралы мемлекет басшысының баспасөз қызметі хабарлады.
Кездесу барысында Қасым-Жомарт Тоқаевқа оның тапсырмаларының орындалу барысы, оның ішінде мәдениет және спорт қайраткерлерінің әлеуметтік жағдайын жақсарту, отандық туризмді дамыту барысы туралы мәлімет берді.
Сондай-ақ әңгіме барысында Ақтоты Райымқұлова мемлекет басшысына мәдениет министрлігінің мұрағат ісі және тіл саясаты саласындағы қызметі туралы баяндады.
Кездесу соңында Қасым-Жомарт Тоқаев мәдениет және спорт министріне басталған жұмысты жалғастыруды және қойылған міндеттерді тиімді жүзеге асыруды тапсырды.
