Бүгін Қазақстан президенті Қасым-Жомарт Тоқаевтың республикалық бюджеттің атқарылуын бақылау жөніндегі есеп комитетінің басшысы Наталья Годуновамен кездесуі өтті. Бұл туралы Қазақстан Республикасы басшысының баспасөз қызметі жазды.
Кездесу барысында Наталья Годунова Қасым-Жомарт Тоқаевқа дағдарысқа қарсы шараларды іске асыруға республика бюджетінен бөлінген ақша қаражатының жұмсалуына мониторинг жүргізу туралы баяндады.
Есеп комитеті басшысының айтуынша, аталған қаражаттың жұмсалуын бақылау Қазақстанда екі кезеңде жүзеге асырылады, біріншісі-мемлекеттік сатып алу мен камералдық бақылау тексеріледі, ал екіншісі — республиканың барлық өңірлерінде бюджеттік бағдарламалар әкімшілеріне тексеру жүргізіледі.
Сонымен қатар, кездесу аясында Қазақстан Президенті еліміздің өткен жылғы бюджетінің орындалу қорытындысымен танысты.
Мемлекет басшысы өз кезегінде жұмыспен қамтудың жол картасын, денсаулық сақтау саласы және халықтың осал топтарына қолдау көрсетуге бөлінген бюджет қаражатының пайдаланылуын бақылауды қамтамасыз ету жұмыстарын жалғастыру қажеттігін мәлімдеді.
Сурет: akorda.kz
