Қазақстан Республикасының Президенті Қасым-Жомарт Тоқаевтың Жоғарғы сот төрағасы Жақып Асановпен онлайн-кездесуі өтті. Бұл туралы Президенттің баспасөз қызметі хабарлады.
Бейнеконференция барысында Қасым-Жомарт Тоқаевқа біздің республикамызда сот жүйесін реформалау барысы туралы ақпарат берілді.
Жақып Асановтың айтуынша, соңғы екі жарым жылда Қазақстан Республикасында 22 заң жобасы әзірленіп, оның 10-ы қабылданды.
Біздің елімізде жаңа судьяларды іріктеу үшін пайдаланатын тиімді HR-технологиялар, сондай-ақ жұмыс істеп жүрген судьяларды бағалау институты – сот төрелігінің сапасы бойынша комиссия енгізілді.
Сондай-ақ, онлайн-кездесу аясында Асанов Тоқаевқа Қазақстанда ақтау үкімдерінің күрт өскені байқалатынын баяндады. Атап айтқанда, ауыр қылмыстар бойынша көрсеткіш 12 есеге, ал аса ауыр қылмыстар бойынша – 6 есеге артты.
COVID-19-ға байланысты мәселе де назардан тыс қалмады. Жақып Асанов қазіргі таңда республика соттары талқылауға қатысушылардың қауіпсіздігін қамтамасыз ету бойынша барлық қажетті шаралар қабылданып жатқанын айтты.
Сонымен қатар, Әкімшілік рәсімдік-іс жүргізу кодексі қабылданғаннан кейін, елімізде енгізуі жоспарланып отырған әкімшілік әділет мәселелеріне де назар аударылды.
Қасым-Жомарт Тоқаев Жоғарғы Сот басшысының баяндамасын тыңдап, оған бірқатар нақты тапсырмалар берді және Республиканың сот мекемелері коронавирустық инфекцияның таралуы жағдайында үздіксіз қызметін жалғастыратынына сенім білдірді.
Сурет: interfax.ru
