Қазақстан президенті Қасым-Жомарт Тоқаев Қорғаныс министрлігінің басшысы Нұрлан Ермекбаевты қабылдады. Бұл туралы мемлекет басшысының баспасөз қызметі хабарлады.
Кездесу барысында Қасым-Жомарт Тоқаев қорғаныс министрінің отандық әскердің қазіргі жағдайы мен даму басымдықтары туралы баяндамасын тыңдады.
Сонымен қатар, мемлекет басшысы Арыс қаласындағы төтенше жағдайдың салдарын жою туралы хабардар етті. Атап айтқанда, біздің республикамыз бойынша оқ-дәрілер сақталатын әскери қоймаларға тексеру жүргізілді.Тексеру нәтижелері бойынша әскери объектілерді қажетті қауіпсіздік деңгейіне жеткізу жоспар жасалды.
Қорғаныс министрі Президентке ведомствоның орталық аппаратының қызметіне функционалдық талдау жүргізудің бірінші кезеңі туралы баяндады. Осы талдау нәтижесінде министрліктің, бас штабтың және жергілікті әскери басқару органдарының 300-ден астам штаттық бірлігі оңтайландырылды.
Қасым-Жомарт Тоқаевқа әскерге кезекті шақырудың қорытындылары, әскери қызметшілердің қысқы кезеңге дайындығы және әуе қорғанысы күштері мен әскери-теңіз күштерінің дамуы туралы ақпарат берілді.
Кездесу соңында мемлекет басшысы қорғаныс ведомствосының басшысына Қазақстан Республикасының Қарулы күштерін дамытуға бағытталған бірқатар тапсырмалар берді.
