Республикамыздың басшысы Қасым-Жомарт Тоқаев Алматыға сапары барысында биылғы жылдың соңына дейін оңтүстік астананың индустриялық аймағында іске асыру жоспарланған жаңа жобалармен танысты. Бұл туралы Президенттің баспасөз қызметі хабарлады.
Осындай жобалардың бірі металл құрастырылымдарын шығаратын зауыт салу болып табылады. Құрылысы бес миллион доллардан асатын осы кәсіпорынның арқасында 230 жаңа жұмыс орны құрылады.
Тағы бір жоба — кабель-сым өнімдерін өндіру бойынша екінші желіні іске қосу. Оның инвесторы — жүзеге асыруға 127 миллион доллардан астам қаражат бөлуді көздеп отырған Ресей ұйымы.
Сондай-ақ, Тоқаевқа Біріккен Араб Әмірліктерінің инвесторларымен бірігіп Алматының индустриялық аймағында 5,3 миллион долларға логистикалық орталық салу жоспарланғаны айтылды.
Барлығы 85 миллиард теңгеден астам сомаға 10 жобаны іске асыру жоспарланған, бұл 1,3 мыңнан астам жаңа жұмыс орындарын құруға мүмкіндік береді.
Жобалармен танысқаннан кейін Қасым-Жомарт Тоқаев Қазақстан экономикасына теріс әсер еткен экономикалық дағдарысты мемлекеттер мен бизнестің бірлесуі арқылы еңсеруге болатынын ерекше атап өтті.
Сонымен қатар, Президент лайықты кәсіпкерлер жұмыс істей алуы үшін, отандық нарықты монополистерден тазарту қажеттігін айтты.
