Қазақстан-Ресей жастар форумы аясында Қазақстан Республикасының Президенті Қасым-Жомарт Тоқаев келесі жыл «Еріктілер жылы» болатынын мәлімдеді, деп хабарлайды «Спутник»ақпарат агенттігі.
«Мен Қазақстан Республикасының Президенті ретінде «Еріктілер жылын» жариялау туралы ұсынысты қолдаймын», – деп мәлімдеді Қасым-Жомарт Тоқаев Қазақстан-Ресей жастар ынтымақтастығы форумында.
Сонымен қатар, Республика басшысы 2019 жыл Қазақстанда еріктілер қозғалысы жаңа сатыда дамығанын атап өтті.
«Елбасы 2019 жылды Жастар жылы деп жариялады. Мемлекеттік органдар білім беру, кәсіби дайындық, жұмысқа орналасу, жастардың бос уақытын сапалы өткізу мәселелерін күнделікті бақылауға алды», — деді Тоқаев.
Сөз соңында Қазақстан Президенті кезінде өзі де Халықаралық еріктілер қозғалысын қолдағанын айтты.
«Еріктілердің ар-ожданы таза емес және арам ойлы адамдар бола алмайтынына терең сенімдімін. Волонтерлер — нағыз патриот, олардың елді жақсарту ниетін құрметтеймін. Белсенді өмірлік ұстаным, армандарды жүзеге асыруға ұмтылу, үлкен жеке жеңіске, жеке табысқа жол ашады деп санаймын», – деп түйіндеді Қасым-Жомарт Тоқаев.
Сурет: inform.kz
