Тәуелсіз Мемлекеттер Достастығына қатысушы елдердің Парламентаралық Ассамблеясы жаңа коронавирустық инфекцияның таралуына байланысты ағымдағы жылдың сәуір айына жоспарланған халықаралық іс-шаралардың күшін жойды. Бұл туралы информресурс “Қазақпарат” сілтеме жасай отырып хабарлады.
ТМД Парламентаралық Ассамблеясы Кеңесінің отырысы, Достастық ПАА-ның 51-ші пленарлық отырысы, сондай-ақ Ұлы Отан соғысындағы Жеңістің 75 жылдығына арналған ТМД Парламентаралық Ассамблеясының салтанатты отырысы тоқтатылды. Сондай-ақ, МПА мүшелері осы кезеңге белгіленген Достастық Парламентаралық Ассамблеясының тұрақты комиссияларының отырыстарын тоқтатты.
Жою туралы шешім ұлттық деңгейде енгізілген қолайсыз эпидемиологиялық ахуалға және сапарларға шектеулерге байланысты, сондай-ақ Біріккен Ұлттар Ұйымы мен Дүниежүзілік денсаулық сақтау ұйымының ұсынымдарын ескере отырып қабылданды.
“Бұл ретте Достастықтың Парламентаралық Ассамблеясының модельдік заң шығару және басқа да бағыттар бойынша қызметі алдыңғы қатарлы ақпараттық технологияларды қолдана отырып жалғастырылуда, атап айтқанда – онлайн режимінде отырыстар ұйымдастырылады, бейнеконференцбайланыс мүмкіндігі пайдаланылады және т.б.”, – деді баспасөз бөлімінде.
ТМД-ға мүше мемлекеттерде жаңа коронавирустың өршу қаупі төмендегеннен кейін Тәуелсіз Мемлекеттер Достастығы Парламентаралық Ассамблеясының штаб-пәтерінде халықаралық іс-шаралар жаңартылады.
Сурет: inform.kz
