Павлодар облысының аумағындағы 4 автомобиль өткізу пунктінде адамдардың орын ауыстыруына мониторинг жалғасуда, деп “ҚазАқпарат” ХАА ВАК-тың Telegram-дағы covid-19 таратпау жөніндегі хабарламасына сілтеме жасап хабарлайды.
Соңғы тәулікте шекарадан 700 адам өтті, оның ішінде 305 – жаяу жүргінші, 395 – жүк көлігінің жүргізушісі. Карантиндік стационарға 6 адам орналастырылды. Осы тәулік ішінде автоөтпе жолдарда расталған жағдайлар анықталған жоқ. Алайда, ТМД – ның алты азаматына, оның екеуі – Қырғызстан мен төртеуі-Ресей Федерациясының азаматтарына ПТР тексеруінің теріс нәтижесі бар анықтамаларсыз елге кіруге тыйым салынды. Шектеулер енгізілген сәттен бастап Павлодар облысына 77 724 адам келді.
Карантиндік стационарларға ПТР тексеру үшін 2475 ҚР азаматы орналастырылды, аурудың симптомсыз ағымымен 144 әкелінген жағдай анықталды.
