Ресейдің астанасындағы «Сколково» технопаркінде 25 қазанда ТМД премьер-министрлері кеңесінің отырысы өтеді, онда олар Достастық аясындағы экономикалық ынтымақтастық мәселелерін талқылайды.
Сандық қоғамды дамыту жоспарында ТМД елдерінің ынтымақтастық тұжырымдамасын және оны іске асыру жөніндегі бірқатар іс-қимылдарды қарауға ерекше назар аударылатын болады. Сондай-ақ Үкімет басшылары мемлекеттердің ақпараттық қауіпсіздігін қамтамасыз ету Стратегиясын талқылайды.
Премьер-министрлер отырыс шеңберінде бірқатар құжаттарға қол қояды, олар мемлекеттердің ветеринария, стандарттау, монополиялармен күресті реттеу, радионавигацияны дамыту, уран өндірісі жұмыс істеген елдердің аумақтарын рекультивациялау және есірткілер мен психотроптық заттардың заңсыз айналымына қарсы күрес саласындағы өзара іс-қимылын регламенттейтін болады.
Сондай-ақ отырыс барысында Үкімет басшылары Достастық органдарын қаржылық қамтамасыз етуге арналған бірқатар құжаттарды қарайды.
Сурет: e-cis.info
