Келесі аптада, 26 мамырда ТМД елдері университеттерінің халықаралық бейнеконференциясы өтеді, оның басты тақырыбы коронавирус індетінің Достастыққа мүше мемлекеттердің ұлттық экономикаларына әсері, деп хабарлайды ТМД Атқарушы комитетінің баспасөз қызметі.
Бейнеконференцияға Достастыққа мүше 9 елдің, соның ішінде Қазақстан Республикасының, жетекші жоғары оқу орындарының өкілдері қосылады.
Қазақстан тарапынан іс-шараға әл-Фараби атындағы Қазақ ұлттық университетінің өкілдері қатысады.
ТМД Атқару Комитетінде бүгінгі күні коронавирустық инфекция ұлттық экономиканың іскерлік белсенділігіне теріс әсер етіп, әлемдік нарықтағы шиеленісті күшейтіп отырғанын атап өтті.
Сондықтан, COVID-19 салдарына қарсы тұру үшін ТМД елдері бірлесе әрекет етіп, туындаған қиындықтарды бірге шешу қажет.
“Ол үшін ТМД-ның қолда бар мүмкіндіктерін кеңінен пайдалану, эпидемиологиялық жағдай бойынша мониторинг және жедел ақпаратпен алмасу, Достастық елдерінде COVID – 19-бен күресте өзара консультативтік және практикалық көмек көрсету қажет”, – делінген ТМД Атқарушы комитетінде.
Осы себепті өзекті мәселелер мен оларды шешу жолдарын егжей-тегжейлі талқылау үшін халықаралық конференция ұйымдастыруға шешім қабылданды.
