Тәуелсіз Мемлекеттер Достастығы елдерінің терроризмге қарсы оқу-жаттығулары Каспийде осы жылдың қыркүйегінде өтеді. Онда Каспий өңірінің “қауіпсіздікті қамтамасыз ету технологиялары” пысықталатын болады. Каспийдегі терроризмге қарсы оқу-жаттығуларға ТМД-ның сегіз мемлекетінің арнайы бөлімшелері қатысады, деп хабарлайды РИА Новости.
Тәуелсіз мемлекеттер достастығының Терроризмге қарсы орталығының (ТҚО) баспасөз бюросы бұл мәселені бейнеконференция форматында ТМД елдерінің терроризмге қарсы ұлттық орталықтарының басшылары (Штабтар бастықтары) талқылағанын хабарлады.
Оқу-жаттығудың негізгі модульдері келісілді, қатысушылар құрамы анықталды – ТМД-ның сегіз мемлекетінің (Армения, Беларусь, Қазақстан, Қырғызстан, Молдова, Ресей, Тәжікстан және Өзбекстан) терроризмге қарсы арнайы құралымдары.
