Тәуелсіз Мемлекеттер Достастығына қатысушы елдердің шекара қызметінің әскери қызметкерлері Ұлы Отан соғысы Жеңісінің 75 жылдығына арналған эстафета өткізеді. Бұл туралы ТМД Атқарушы комитеті хабарлайды.
Эстафета осы жылдың 5 ақпанында Брест пен Мурманск қалаларында басталып, Достастыққа мүше мемлекеттердің, оның ішінде Қазақстанның, сыртқы шекараларының бойымен өтеді. ТМД-ның әр елінде эстафеталық топтар ұйымдастырылды, олардың құрамына тек шекарашылар ғана емес, ардагерлер ұйымдарының өкілдері де кірді.
Достастық атқару комитетінің ақпараты бойынша, осы іс-шара үшін бауырлас еліміз – Ресейдің шекара қызметі, барлық бағыт бойында бір-біріне табыс етіп отыратын, эстафетаның бірыңғай нышанын дайындады.
Бұл туралы Брест шекара тобының ресми өкілі Сергей Дмитриев пікірін айтты. Ол эстафета Брест бекінісіндегі Тереспол қақпасының жанындағы мүсін композициясының жанынан басталады деп хабарлады.
Сонымен қатар, Сергей Дмитриев осындай ауқымды шара аясында салтанатты жиындар, ерлік сабақтары және танымал әртістердің өнер көрсетуі өтетінін атап өтті.
Сурет: e-cis.info
