Беларусь астанасында, ТМД Атқару комитетінде Достастық елдері сарапшыларының кездесуі өтті, оның күн тәртібіне ТМД-ға мүше мемлекеттердің 2021-2022 жылдарға арналған гуманитарлық ынтымақтастық саласындағы басым іс – шаралар жоспарының жобасы қаралды. Бұл туралы Достастықтың Атқарушы комитеті хабарлайды.
Отырысқа қатысушылардың арасында ТМД-ға мүше елдердің, соның ішінде Қазақстанның, сондай-ақ Достастық Парламентаралық Ассамблеясы Кеңесі Хатшылығының және ТМД Атқарушы комитетінің өкілдері болды.
Кездесу барысында жиналғандар ТМД елдерінен келіп түскен құжатқа қатысты ұсыныстарды қарады, жобадан «Денсаулық сақтау» бөлімін алып тастады, онда жазылған тармақтар «Жалпы гуманитарлық сипаттағы іс-шаралар» бөліміне енгізілді.
Отырыс соңында қатысушылар осы жоспар жобасын Тәуелсіз Мемлекеттер Достастығы үкімет басшылары Кеңесінің қарауына жіберуге шешім қабылдады.
ТМД Атқару комитетінің ақпаратына сәйкес, бұл іс-шаралар жоспары Достастыққа қатысушы елдер арасындағы гуманитарлық саладағы ынтымақтастықты одан әрі дамытуға бағытталған.
