ТМД елдері қорғаныс ведомстволары басшылары Кеңесінің хатшылығы бейнеконференцбайланыс арқылы жиналыс өткізді, оның күн тәртібіне Ұлы Жеңіске арналған іс-шараларды дайындау мәселелері қойылды, деп Достастық атқару комитетінің баспасөз қызметі хабарлайды.
Достастық мемлекеттері Қарулы Күштерінің өкілдері қатысқан бейнеконференция барысында Ресей Қорғаныс министрлігі әзірлеген “Естелік жолы” мультимедиялық жобаға ерекше назар аударылды.
Бұл жоба, ТМД Атқару комитетінде айтқандай, Ұлы Отан соғысына қатысушылар туралы ақпараты бар жалпыға бірдей қолжетімді электрондық ресурс болып табылады. Достастық елдерінің кез келген азаматы бостандық пен тәуелсіздік үшін шайқасқан өзінің туысының фотосуреті мен деректерін сайтта орналастыра алады.
Кейін “Естелік жолы” жобасы Ұлы Отан соғысына қатысушылардың аттары мен портреттері бар ауқымды мультимедиялық ескерткіш-галерея сипатына ие болады. Ол “Патриот” әскери-патриоттық мәдениет және демалыс саябағында орналасады.
Бұл жоба ТМД елдерінің қорғаныс министрліктерінің өкілдері, соның ішінде Қазақстан тарапынан, қолдау тапты. Осыған байланысты қорғаныс ведомстволары мультимедиялық жобаға қатысып, бар эксклюзивті мәліметтерін ұсынады.
Бүгінгі таңда жоба негізінде 13 мыңға жуық Ұлы Отан соғысына қатысушылар туралы деректер бар, бұл көрсеткіш күн сайын артып келеді.
Сурет: ulpressa.ru
