Бейнеконференция форматында заңсыз көші-қонға қарсы іс-қимылда ТМД-ға мүше елдердің ынтымақтастығы туралы шартқа қатысушы елдердің бірлескен комиссиясының кезекті отырысы өтті. Бұл туралы Достастықтың Атқарушы комитетінде айтылды.
Конференция барысында ТМД Атқару Комитеті төрағасының орынбасары Бекетжан Жұмаханов тұрақтылық пен қауіпсіздікті нығайту Достастық қызметінің маңызды бағыттарының бірі болып қала беретінін айтты. Мұны ТМД-ның жоғары органдары мақұлдаған, келісілген көші-қон саясатын әзірлеу және жүзеге асыру, заңсыз көші-қонға қарсы іс-қимыл жөніндегі міндеттерді айқындайтын стратегиялық құжаттар растайды.
Достастықтың Атқару Комитеті төрағасының орынбасары осындай міндеттерді шешуге өзін алқалы орган ретінде көрсеткен, сондай-ақ ТМД-ға қатысушы елдердің осы саладағы іс-қимылдарының тұтастығы мен келісімділігін қамтамасыз етуге үлкен үлес қосып отырған бірлескен комиссия белсенді қатысып отырғанын мәлімдеді.
Конструктивизм және өзара сенімнің жоғары деңгейі комиссия мүшелеріне бірінші кезектегі және өзекті мәселелерді егжей-тегжейлі және ашық қарастыруға, сондай-ақ оларды шешудің келісілген жолдарын табуға мүмкіндік береді, деп Жұмаханов сенімді.
Отырыс күн тәртібіндегі мәселелерді талқылау барысында қатысушылар коронавирустық инфекция эпидемиясы аясында заңсыз көші-қонға қатысты құқық бұзушылықтарға қарсы күресте өз мемлекеттерінің тәжірибесімен алмасты, сондай-ақ ТМД-ға кіретін елдер қол қойған реадмиссия туралы қолданыстағы шарттарды іс жүзінде орындау шеңберінде туындайтын проблемалық мәселелерді қарастырды.
Сурет: cis.minsk.by
