Тәуелсіз Мемлекеттер Достастығының Атқарушы комитетінде Ағымдағы жылдың 5-6 желтоқсанында жұмыс орындарындағы еңбек жағдайларын және еңбекті қорғау жөніндегі заңның сақталуын қадағалауға қойылатын талаптарды бағалайтын ұсыныстарды дайындауды талқылайтын жұмыс топтарының отырысы өтеді. Бұл туралы ТМД атқарушы комитетінің баспасөз қызметі хабарлады.
Отырыс барысында тараптар ТМД елдері үшін ортақ еңбек нарығын қалыптастыру және 2017-2020 жылдарға арналған көші-қон жұмыс күшін реттеу туралы мәселелерді қарайды.
Бұған дейін бұл мәселе еңбек, жұмыспен қамту және ТМД халқын әлеуметтік қорғау жөніндегі консультативтік кеңестің отырысында талқыланды. Отырыс барысында Қазақстан тарапы Армения, Беларусь, Қырғызстан, Молдова, Ресей, Тәжікстан, Түрікменстан және Өзбекстан уәкілетті ведомстволарымен ұсынылған пікірлер мен ақпаратты ескере отырып, бірқатар жобаларды ұсынды. Отырыс соңында арнайы сараптамалық жұмыс топтарын құру туралы шешім қабылданды.
«Ұсыныстар мен келісілген талаптарды қабылдау еңбекті қорғау және әлеуметтік сақтандыру саласындағы саясатты жетілдіруге, жаңа жұмыс орындарын құруға, бар жұмыс орындарын сақтауға және олардың сапасын арттыруға, қызметкерлердің өмірі мен денсаулығының қауіпсіздігін қамтамасыз етуге, еңбек ресурстарының бәсекеге қабілеттілігі мен сапасын арттыруға ықпал етеді», — деп атап өтті баспасөз қызметі.
