ТМД-ға мүше елдердің Сыртқы істер министрліктерінің консулдық қызметтері басшыларының консультативтік кеңесінің кезекті отырысында коронавирустық пандемия кезінде достастық мемлекеттерінің аумағында азаматтардың құқықтары мен мүдделерін қорғау мәселелері көтерілді.
Кеңес мүшелері достастықтың басқа елдерінің аумағында уақытша оқумен немесе еңбек қызметімен байланысты ТМД-ға мүше мемлекеттердің азаматтарына көмек пен қолдау көрсетудің пәрменді алгоритмін талқылады. Олар осы елдер үкіметтерінің пандемияға қарсы іс-қимыл жөніндегі уақтылы және өзекті шаралары осындай азаматтардың құқықтары мен мүдделерін қорғау саласындағы ынтымақтастықты күшейтуге түрткі болатынын атап өтті.
Достастық мемлекеттерінің консулдары осы саладағы әрі қарай үйлестірілген іс-қимылдарға және жедел ақпарат алмасуға дайын екендіктерін мәлімдеді.
Консультативтік кеңестің отырысы барысында 1993 жылғы қаңтарда қабылданған азаматтық, отбасылық және қылмыстық істер бойынша құқықтық көмек және құқықтық қатынастар туралы конвенция шеңберіндегі өзара іс-қимыл туралы мәселе талқыланды. Дипломаттар ТМД елдерінің тиісті ведомстволары арасындағы байланыстарды күшейту және әділет министрлері кеңесі шеңберінде өзара іс-қимылды жандандыру қажет деп санайды. Олар электрондық өзара іс-қимыл жүйесін енгізуге ұсыныс жасады.
Бұдан басқа достастық мемлекеттері дипломатиясының өкілдері 1963 жылғы 24 сәуірдегі Консулдық қатынастар туралы Вена Конвенциясының ережелерінің орындалуын қарастырды.
Отырысқа Армения, Беларусь, Қазақстан, Қырғызстан, Ресей, Тәжікстан, Өзбекстан және ТМД Атқарушы комитетінің өкілдері қатысты. Әзірбайжан өкілі бақылаушы ретінде қатысты.
Сурет: cis.minsk.by
