Түркіменстан астанасында Тәуелсіз Мемлекеттер Достастығына қатысушы елдер басшыларының отырысы өтті, оның қорытындысы бойынша жеті ортақ құжатқа қол қойылды.
Отырыс қорытындысы бойынша мемлекет басшылары Достастыққа қатысушы елдердің бас бостандығынан айырумен байланысты емес жазалардың орындалуын беру туралы Конвенцияға қол қойды. Сонымен қатар, Тараптар «ТМД-ға қатысушы елдердің стратегиялық экономикалық ынтымақтастығы туралы декларация туралы» құжатқа қол қойды.
Сондай-ақ Достастыққа қатысушы елдердің басшылары «1941-1945 жылдардағы Ұлы Отан соғысындағы кеңес халқының Жеңісіне 75 жыл толуына байланысты ТМД-ға қатысушы елдер басшыларының Достастық елдерінің халықтарына және әлемдік қоғамдастыққа үндеуі туралы» және «2020-2022 жылдарға арналған лаңкестікке және экстремизмнің өзге де көріністеріне қарсы күрестегі Тәуелсіз Мемлекеттер Достастығына қатысушы елдердің ынтымақтастық бағдарламасы туралы» құжаттарға қол қойды.
Бұдан басқа, ТМД-ға қатысушы елдердің президенттері Достастықтың атқарушы хатшысы Сергей Лебедевтің өкілеттігін үш жыл мерзімге ұзартуға келісті. Ол өз кезегінде ТМД-ға қатысушы елдер басшылары кеңесінің келесі отырысы Ташкентте 2020 жылдың 16 қазанында өтетінін, ал Өзбекстан келесі жылы ТМД-ға төрағалық ететінін хабарлады.
Сурет: inform.kz
