Қырғызстан астанасында Тәуелсіз Мемлекеттер Достастығы елдерінің бас прокурорларының үйлестіру кеңесінің 29-шы отырысы өтті, оның қорытындысы бойынша Кеңестің келесі отырысы Өзбекстанда өтеді.
«2020 жылдың қыркүйек-қараша айларында Өзбекстан Республикасында үйлестіру кеңесінің кезекті, мерейтойлық, 30-шы отырысын өткізу туралы шешім қабылданды», — делінген таратылған хабарламада.
ТМД-ға қатысушы елдер бас прокурорларының үйлестіру кеңесінің отырысында заңдылық және құқықтық тәртіптерді нығайтуға бағытталған 20 шешімге қол қойылды.Осы отырыстың қорытындысы бойынша қатысушылар Достастыққа қатысушы елдердің аумағында қылмысқа қарсы күресті күшейтуге келісті.
Сонымен қатар кезекті мерзімге ТМД елдері бас прокурорларының үйлестіру кеңесінің төрағасы болып Ресей Федерациясының бас прокуроры Юрий Чайка сайланды.
