Тәуелсіз Мемлекеттер Достастығы Атқарушы комитетінде ТМД-ға қатысушы елдердің жоғарғы (жоғары) соттары төрағаларының кеңесін құру туралы келісім жобасын келісуге арналған сараптама тобының онлайн-отырысы өтті. Бұл туралы Достастық Атқару Комитеті хабарлады.
Бұл құжаттың жобасын ТМД-ға мүше елдердің сот органдары арасындағы өзара байланысты дамыту және экономикалық сот төрелігі секторын ғана емес, басқаларды да қамту үшін экономика саласындағы даулар бойынша істерді шешетін Жоғары төрелік, шаруашылық, экономикалық және өзге де соттар төрағаларының кеңесі келісті. Келісім кеңес құруды және ол туралы ереже қабылдауды көздейді. Бұл кеңес келісілген қағидаттарды, сондай-ақ соттар арасындағы өзара іс-қимыл ережелерін және т. б. әзірлеу мақсатында құрылады.
Сарапшылар отырысына ТМД – ға кіретін елдердің, атап айтқанда Қазақстан, Армения, Беларусь Республикасы, Қырғыз Республикасы, Ресей Федерациясы, Тәжікстан, Өзбекстан өкілдері, сондай-ақ ТМД экономикалық соты мен Достастық атқару комитетінің қызметкерлері қатысты.
Тараптар атқарушы Комитетке келіп түскен әріптес елдердің бастамаларын талқылады, сондай-ақ Келісім жобасын пысықтап, келісті.
Жоба мемлекетішілік келісу үшін қатысушы елдерге жіберілді. Оның қорытындысы бойынша жобаны Достастық мемлекеттері Басшылары Кеңесінің қарауына енгізу жоспарланған.
Сурет: cis.minsk.by
