Тәуелсіз Мемлекеттер Достастығына қатысушы елдер өз олимпиадасын өткізетін болады. Тиісті шешім ТМД-ға қатысушы елдердің үкімет басшылары Кеңесі отырысының қорытындысы бойынша қабылданды. Бұл туралы Достастық атқару комитетінің баспасөз қызметі хабарлады.
ТМД-ның алғашқы ойындары келесі жылы Ресейде өтеді және екі жылда бір рет тұрақты негізде өткізіледі. Олардың басты мақсаты Достастыққа қатысушы елдердің ұлттық спорт түрлерін сақтау, оларды халықаралық деңгейде насихаттау және дамыту болып табылады.
Бұл туралы ТМД атқарушы хатшысы Сергей Лебедев пікірін білдірді. Оның айтуынша, Достастық кеңістігінде көптеген спорттық жарыстар өткізіледі,енді ТМД ойындары өте жоғары деңгейде өтеді.
Жоғарыда көрсетілген ойындарды ұйымдастырумен Достастыққа қатысушы елдердің дене шынықтыру және спорт саласындағы ынтымақтастық туралы келісімге қатысушылардың дене шынықтыру және спорт жөніндегі кеңесі айналысатын болады.
