Ресей Федерациясы Кеңесінің комитеті Тәуелсіз Мемлекеттер Достастығына қатысушы елдер ядролық апат жағдайында өзара іс-қимыл жасайтын келісімді мақұлдады. Бұл туралы ТМД Атқару комитетінің баспасөз қызметі хабарлады.
ТМД Атқарушы комитетінің ақпараты бойынша, Достастыққа қатысушы елдер ядролық авариялар туындаған кезде, апаттың салдарын барынша азайтатын белгілі бір тәртіп бойынша, бір-біріне көмек көрсететін болады.
Сонымен қатар, келісім ядролық апат жағдайында ғана емес, радиациялық авариялық жағдай туындаған жағдайда да көмек көрсетуді көздейді.
Осы келісім шеңберінде өзара қаржылық көмекте те көрсетіледі. Сонымен қатар, ТМД-ға қатысушы елдер ядролық апат жағдайында бір-біріне арнайы техника және дәрі-дәрмектермен көмектесе алады.
Достастыққа қатысушы елдер арасындағы ядролық авариялар жағдайында өзара іс-қимыл туралы келісімге 2018 жылғы 2 қарашада Қазақстан астанасында өткен ТМД елдері үкімет басшылары кеңесінің отырысында қол қойылды.
Сурет: 24.kz
