Тәуелсіз Мемлекеттер Достастығының Атқарушы комитетінде ТМД-ға мүше елдердің монополияға қарсы заңнамасының бұзылуын бірлесіп тергеу жөніндегі штабтың кезекті отырысы өтті. Бұл туралы Достастықтың Атқарушы комитетінің баспасөз қызметі хабарлады.
Отырыс бейнеконференция байланысы режимінде өтті. Оған Қазақстан, Ресей, Армения, Беларусь, Қырғызстан, Молдова, Тәжікстан және Өзбекстан елдерінің монополияға қарсы органдарының өкілдері қатысты.
Сондай-ақ бейнеконференцияға Еуразиялық экономикалық комиссияның мамандары мен бәсекелестік саясатты дамыту саласында маманданған сарапшылар қосылды.
Отырыс барысында ТМД елдерінің монополияға қарсы органдарының өкілдері коронавирустық инфекцияның таралуы жағдайында Достастық елдерінің нарықтарындағы ағымдағы жағдайды қарастырды.
Тараптар Достастық елдерінің ұлттық экономикаларына келтірген індеттің теріс салдарын жеңуге көмектесетін бірлескен шараларды талқылады, сондай-ақ Достастыққа мүше мемлекеттердің монополияға қарсы реттеу стратегиясы бойынша ұсыныстармен алмасты.
Сурет: e-cis.info
