Беларусь астанасында сараптамалық топтың кезекті отырысы өтеді,онда ТМД-ға қатысушы мемлекеттер Қарулы Күштерінің гуманитарлық минасыздандыру бірлескен инженерлік бөлімшесі туралы келісім жобасына қатысты мәселелер талқыланады. Бұл туралы Достастық Атқару комитетінің баспасөз қызметі хабарлады
Достастықтың Атқару комитетінің ақпаратына сәйкес, бұл жобада ТМД Қарулы Күштерінің гуманитарлық минасыздандыру бірлескен инженерлік бөлімшесінің қызметін қалыптастырудың негізгі бағыттары, сондай-ақ осы бөлімшенің әскери қызметкерлерінің мәртебесі белгіленді.
Жоғарыда көрсетілген жобаның құрамына Достастық елдерінің штаттық ұлттық инженерлік бөлімшелері кіретін болады деп жоспарлануда, олар тұрақты негізде орналасқан пункттерде гуманитарлық минасыздандыруға байланысты міндеттерді табысты орындау мақсатында біріктіріледі.
Достастық Атқару комитетінің өкілдері гуманитарлық минасыздандыру бірлескен инженерлік бөлімшесі туралы келісімнің жобасын ТМД-ға қатысушы елдердің қорғаныс министрлері кеңесінің хатшылығымен бірлесіп Ресей қорғаныс ведомствосы әзірлегенін айтады.
