Осы жылдың 13 қыркүйегінде Ашхабадта Тәуелсіз Мемлекеттер Достастығы экономикалық кеңесінің кезекті отырысы өтеді. Бұл туралы Түркіменстан сыртқы істер министрлігінің баспасөз қызметі хабарлады.
Түркіменстанның сыртқы саяси ведомствосының ақпараты бойынша, ТМД экономикалық кеңесінің кезекті отырысының күні туралы мәселе сыртқы істер министрлігі өкілдерінің ТМД атқару комитеті төрағасының бірінші орынбасары Виктор Гуминскиймен кездесуінде талқыланды.
Сонымен қатар, кездесуде 2019 жылғы 10 қазанға жоспарланған ТМД сыртқы істер министрлері кеңесіне және 2019 жылғы 11 қазанға жоспарланған ТМД мемлекеттері басшылары кеңесінің отырыстарын дайындауға қатысты мәселелер қаралды.
Естеріңізге сала кетейік, ТМД экономикалық кеңесі 1999 жылы құрылған, оның негізгі функциялары сауда және басқа да операциялар бойынша өзара есеп айырысу,төлемдер жүйесін құру туралы ұсыныстар әзірлеу, сондай-ақ тауарлардың, қызметтердің, жұмыс күші мен капиталдардың еркін қозғалысына негізделген экономикалық ынтымақтастықтың неғұрлым жоғары сатысына көшу үшін құқықтық, экономикалық және ұйымдастырушылық жағдайлар жасау, ТМД-ға қатысушы елдердің әлемдік шаруашылық жүйеге кіруіне жәрдемдесу болып табылады.
Сурет: inpress.ua
