Ресей астанасында, халықаралық сауда орталығында ТМД Экономикалық кеңесінің кезекті отырысы өтеді. Бұл туралы Достастықтың Атқарушы комитетінің баспасөз қызметі хабарлады.
Ағымдағы жылдың 13 наурызына белгіленген отырысқа Достастыққа мүше елдердің, соның ішінде Қазақстан Республикасының, өкілдері қатысады.
Алдағы кездесудің күн тәртібіне ТМД-ға мүше мемлекеттердің экономикалық ынтымақтастығының түрлі салаларына қатысты мәселелер енгізілетін болады.
Сонымен қатар, Экономикалық кеңес мүшелері Достастық кеңістігінде интеграцияланған көлік жүйесін жетілдіруге бағытталған 2030 жылға дейінгі кезеңге арналған көлік саласындағы ТМД елдері ынтымақтастығының басым бағыттарының жобасын қарастырады.
Сондай-ақ Достастық елдерінің 2020-2023 жылдарға арналған келісілген әлеуметтік және демографиялық саясатының тұжырымдамасын іске асыру жөніндегі іс-шаралар жоспарының жобасы қарау үшін шығарылатын болады. Бұл құжат ТМД мемлекеттері арасындағы еңбекті қорғау саласындағы ынтымақтастықты дамытуға бағытталған.
Бұдан басқа, кездесу аясында ТМД Экономикалық кеңесінің мүшелері 2021 жылы Достастықтағы сәулет және қала құрылысы жылына арналған іс-шаралар жоспарының жобасына назар аударады.
Сурет: e-cis.info
