Жыл соңына дейін тағы 15 монополист жылу, сумен жабдықтау, электр және газ тарифтерін азайтады.
Бұл туралы ҚР Ұлттық экономика вице-министрі Серік Жұманғарин хабарлады.
«Ағымдағы аптаның соңына дейін жылумен жабдықтау, сумен жабдықтау, электр энергиясын беру және газды тасымалдау саласындағы кем дегенде 15 монополистке 2,7 миллиард теңге көлемінде оған қосатарифі төмендетілген 40 монополистке 28,8 миллиард теңге көлемінде азайту жоспарлануда», — деді ол Астанада өткен баспасөз мәслихатында.
Оның айтуынша, негізсіз табыс алу фактілерін анықтау және оларды тұтынушыларға қайтару мақсатында монополистерді 53 жоспардан тыс тексеру ашылды.
«Монополистерді жоспардан тыс тексерулер қоғамдық қабылдау бөлмелері жұмысының қорытындысы бойынша ашылғанын білесіздер. Тағы 11 жоспардан тыс тексеру басталды», — деп түсіндірді Серік Жұманғарин. Сонымен қатар, Ұлттық экономика министрлігі мен энергетика министрлігі электр энергиясы мен газға көтерме бағаны төмендету жұмыстарын жүргізуде, деп еске салды вице-министр. «Бұл жұмыс бүгін-ертең аяқталады, , барлық 17 өңірде әрбір субъект бойынша тарифтерді төмендету қорытындысын, сәрсенбіден қалтырмай, нақты жариялаймыз», — деді ол.
Вице-министрдің айтуынша, коммуналдық қызметтер бойынша тарифтердің жоспарланған төмендеуі туралы ақпаратты ҰЭМ-не,әзірге, сегіз өңірдің әкімдіктері ұсынғанын айтты.
«Жамбыл облысында ПИК тарифтерін орташа есеппен 20 пайызға, қоқыс шығару қызметіне — 5 пайызға, лифт қызметтеріне — 7,1 пайызға төмендету жоспарлануда. Алматы облысында: ПИК-6%, қоқыс шығару — 10%, лифт қызметі — 5%. Батыс Қазақстан облысында қоқыс шығару құны 10%-ға төмендейді. Қарағанды облысында ПИК қызметтері 3% — ға дейін, лифт қызметтері 5%-ға дейін арзандайды», — деді вице-министр.
Оның айтуынша, Ақтөбе, Қостанай, Қызылорда, Түркістан және Солтүстік Қазақстан облыстарында ПИК қызметтерінің құны 5%-ға және лифт қызметтерінің құны 5% — ға төмендейді деп болжануда.
Сулет: obvk.kz
