Ұлттық экономика министрлігінің Статистика комитетінде өткен жылы елден кеткен қазақстандықтардың саны айтылды, деп хабарлайды Tengrinews.kz журналисі.
Алдын ала мәліметтер бойынша, өткен жылы елден 41894 адам кетті. Негізінен олар Тәуелсіз Мемлекеттер Достастығы елдеріне – 37754 адам көшіп кетті. ҚР басқа облыстарына Шығыс Қазақстан (6272 адам), Қостанай (6057), Қарағанды (5664) облыстарының тұрғындары жиі көшкен.
Қазақстандықтарлың көбі Ресей Федерациясына – 36796 адам, Германияға – 2691 адам, Беларуське – 343 адам және АҚШ-қа — 339 адам көшіп кетті.
Елге 12785 адам келді. Алматы облысына барлығы 1814 адам қоныстанды. Алматыға бір жыл ішінде 1447 адам, Маңғыстау облысына – 1621 адам келді.
Қазақстанға ең алдымен Өзбекстаннан – 4407, Ресейден – 3903, ҚХР-дан – 1366 және Қырғызстаннан – 500 адам көшіп келді.
Келу бойынша оң динамикамен Маңғыстау (+1118 адам) және Алматы (+539) облыстары, сондай-ақ Шымкент ерекшеленді, онда оң көші-қон сальдосы +391 адамды құрады.
Астанаға басқа елдерден бір жыл ішінде 679 адам көшіп келсе, басқа елдерге 1952 астаналық көшіп кетті. Алматыға 1447 адам келіп, қаладан 3543 адам көшіп кетті.
Ел халқының жалпы саны бір жылда 238323 адамға артты. 2017 жылы Қазақстаннан 35680 адам, 2016 жылы 32930 адам кетті.
Сурет: tengrinews.kz
