Бүгін Алматыда Мәжіліс пен мәслихат сайлауына қарсы жеке пикет өтті. Акцияны ұйымдастырушы — тіркелмеген Демократиялық партияның жақтаушысы, белсенді Аружан Дүйсебаева.
Пикет барысында ол алдағы сайлау лайықты саяси күштердің қатысуынсыз өтетінін айтты. Осыған байланысты белсенді бұл сайлауға бойкот жариялауға шақырды. Сонымен қатар, ол биліктен Жанболат Мамай басшылық ететін Демпартияны тіркеуді талап етті.
Іс-шара өтетін жерде бірнеше адам болды. Олардың кейбіреулері пикетті камераға түсірді, ал басқалары сырттан бақылап отырды.
Осы аптада бұл Алматыда өткен екінші пикет болды. Бірінші пиеетке Демпартияның жақтаушысы, белсенді Әйгерім Тілеужан шыққан. Ол да сайлауға бойкот жариялауға шақырып, Мамай партиясын тіркеуді талап еткен.
Мемлекет басшысы Қасым-Жомарт Тоқаевтың Жарлығымен сайлау келесі жылдың 10 қаңтарында өткізілуі керек. Орталық сайлау комиссиясының мәліметінше, оларды өткізуге 15,3 миллиард теңге бюджет қаражаты бағытталады.
Сурет: rus.azattyq.org
