Біздің республикамыздың сыртқы саяси ведомствосының басшысы Мұхтар Тілеуберді Қазақстан-Ресей одақтастық қатынастары жөнінде өз пікірін айтты. Бұл туралы “ҚазТАГ” ақпарат агенттігі хабарлайды.
Министр бүгінгі таңда Ресей Федерациясы біздің еліміз үшін маңызды және сенімді серіктес екенін мәлімдеді. Мұны Қазақстанның Ресеймен достық қатынастарды кеңейтуге негізделген сыртқы саясаты дәлелдейді.
Тілеуберді айтуынша, Қазақстан мен Ресейді берік достық байланыстырады. Ол біздің еліміз бен Ресей Федерациясы көршілес елдер ғана емес, стратегиялық серіктестер, одақтастар екенін атап өтті.
СІМ басшысы өткен жылдың 24 маусымында республикамыздың басшысы Қасым-Жомарт Тоқаев Ұлы Жеңістің 75 жылдығына арналған Қызыл Алаңдағы Жеңіс шеруіне қатысқанын еске салды.
Сондай-ақ, Тілеуберді Қазақстан мен Ресей коронавирус инфекциясының таралуына қарсы елеулі жұмыс атқарғанын айтты. Атап айтқанда, еліміздің аумағында, Қарағанды фармацевтикалық зауытында ресейлік “Спутник V” атты Гамалея ұлттық эпидемиология және микробиология ғылыми-зерттеу орталығында жасалған коронавирусқа қарсы вакцина өндірісі жолға қойылды.
Сурет: Яндекс.Дзен
