Алматыдағы тергеу изоляторында отырған белсенді Санавар Закирова заңсыз карцерге отырғызғаны үшін қадағалау органына ақтау жөнінде өтініш берді. Бұл туралы оның қызы Малика Закирова айтты.
Атап айтқанда, осы жылдың 17 қыркүйегінде Закирова карцерге қамалды.Тергеу изоляторы басшылығының хабарлауынша, ол басқа сотталғандарға шабуыл жасағаны үшін осылай жазаланды.
Закирова тергеу изоляторлары қызметкерлерінің айтқанымен келіспейді. Белсендінің айтуынша, ол шабуыл жасаған жоқ, керісінше өзін қорғады. Карцерге отырғызылғаннан кейін, оны заңсыз деп мәлімдеді және наразылық білдіріп, аштық жариялады.
Закированың қызы изолятордың басшылығы анасын мазақ етіп, сотталғандарды қолданып, оған қарсы арандатушылық ұйымдастырады дейді.
Сондай-ақ, қызы прокурор белсендіні ақтап, оның анасын айыппұл камерасына заңсыз орналастырғызған кінәлі адамдар жауапқа тартылмағанын айтты.
“Анам прокурордан оңалту процесін тездетуді сұрайды, өйткені аштықты жалғастыруына байланысты оның денсаулығы нашарлады”,-деп толықтырды Малика Закирова.
Бұған дейін, осы жылдың 15 шілдесінде белсенді бұзақылық ниетпен денсаулыққа қасақана орташа зиян келтіргені үшін бір жылға бас бостандығынан айырылғаны хабарланған. Ол қазір тергеу изоляторында шығарылған үкімге қатысты апелляциялық шағымының қаралуын күтуде.
Сурет: fergana.news
