Әлеуметтік желілерде Теміртауда тағы да қар түсті деген ақпарат тарауда. Осыған байланысты Қарағанды департаменті туындаған мәселені шешуге кірісті. Бұл туралы zakon.kz ақпарат агенттігі хабарлайды.
Қазақстан Республикасының Экология министрлігінде қарағандылық Департамент «АрселорМиттал Теміртау» АҚ-на қатысты жоспардан тыс тексеру жүргізіліп жатқанын айтты, себебі дәл осы компания Теміртауда ауаның басты ластаушысы болып табылады.
Сонымен қатар, Қарағанды облысының экология департаменті Теміртау қаласындағы басқа да ірі кәсіпорындарға жоспардан тыс тексеру жүргізуде. Ведомствода тексеріс аяқталғаннан кейін олардың нәтижелері жарияланатынын айтты.
«АрселорМиттал Теміртау» өткен жылдың желтоқсан айында экологтардың тексерісінен өткен болатын. Сол кезде экологиялық заңнаманың елеулі бұзушылықтары анықталып, компанияға айыппұл салынды және бұзушылықтарды нақты мерзімінде жою туралы нұсқамалар берілді.
Биылғы жылдың ақпан айында Теміртауда қара қар жауды. Осыған байланысты облыс әкімдігі болған оқиғаның себептерін анықтаумен айналысатын жұмыс тобын құрды. Алдын ала мәліметтер бойынша, бұл «АрселорМиттал Теміртау» компаниясының кінәсі, бірақ әзірге нақты ақпарат жоқ.
Сурет: ru.sputniknews.kz
