Мониторингтік топ Алматының медициналық ұйымдарының қызметін тексеріп, олардың ешқайсысы өз жұмысын қатесіз орындай алмағанын анықтады. Бұл туралы kazpravda.kz ақпарат агенттігі жазады.
Ағымдағы жылдың бірінші жартыжылдығында тексерушілер 4 мыңнан астам бұзушылықты анықтады, олардың негізгі бөлігі қосып тіркеуге байланысты, яғни медициналық мекемелер іс жүзінде көрсетілмеген қызмет туралы есеп берген.
Сондай-ақ, анықталған бұзушылықтардың арасында медицина қызметкерлерінің тегін дәрі-дәрмектерді есептен шығаруы және болмаған талдаулар жазу болды.
Осы әрекеттері үшін Алматы дәрігерлеріне 200 миллион теңге төлеуге тура келеді. Бұл оңтүстік астананың медициналық мекемелері әлеуметтік медициналық сақтандыру қорынан алатын ақша.
Сондац-ақ, 2019 жылдың осы кезеңімен салыстырғанда Алматыда дәрігерлер тіркелген медициналық қызметтер үшін төлеуге тиіс соманың азаюы байқалады.
Бүгінгі таңда оңтүстік астанада коронавирустық инфекцияны жұқтырғандар саны 14194, ал Қазақстан Республикасында барлығы 105558 оқиға тіркелді.
