Теңіз кен орнында коронавирустың өршуіне байланысты Атырау облысына вице-премьер Ералы Тоғжановтың басқаруымен Үкіметтік делегация келді, деп хабарлайды Қазақстан премьер-министрінің баспасөз қызметі.
Жұмыс сапары барысында министрлер кабинеті басшысының орынбасары кеңес өткізіп, кен орнындағы вахташылардың инфекция жұқтыруына қатысты мәселелерді көтерді.
Кездесуге қатысушылар алдында сөйлеген сөзінде Қазақстан Денсаулық сақтау министрі Елжан Біртанов Теңіздегі коронавирустық инфекцияның өршуінің себебі карантиндік шаралардың жеткіліксіздігі екенін атап өтті.
Осыған байланысты Денсаулық сақтау министрі індеттің таралуын болдырмау мақсатында мердігер ұйымдардың басшыларына шектеу шараларын күшейту қажеттігін мәлімдеді.
Сондай-ақ кеңес аясында үкімет делегациясы Теңіздегі қызметкерлерді демобилизациялау барысымен танысты. Қазіргі уақытта 17 мың вахташы кен орнынан шығарылды.
Бұған дейін хабарланғандай, Теңізде мердігер ұйымдардың қызметкерлері арасында коронавирус ауруының 90 жаңа жағдайы тіркелді. COVID-19 жұқтырған вахташылардың жалпы саны 359
Сурет: primeminister.kz
