Әлеуметтік желілерде Атырау облысындағы Теңіз кен орнында індеттің таралуына байланысты кейбір жұмыстар тоқтатылды деген ақпарат пайда болды.
Пайда болған ақпарат жөнінде «Теңізшевройл» компаниясы өз пікір білдірді. Онда, шын мәнінде, коронавирусқа байланысты кейбір аса маңызды емес жобаларды уақытша тоқтату туралы шешім қабылданды.
Сонымен қатар, «Теңізшевройлда» тоқтатылған жобалар Теңіздегі үзіліссіз және кестеге сәйкес жүзеге асырылатын өндірістік қызметке қатысы жоқ екенін айтты.
Сондай-ақ, компания тоқтатылған жобалардың барлық жұмысшылары Қазақстан Республикасының Еңбек кодексіне сәйкес жалақы алатын мәлімдеді.
8 сәуірде Теңізде коронавирусты жұқтырудың алғашқы жағдайы анықталды. Нәтижесінде кен орнында COVID-19 өршіді. Осыған байланысты онда ерекше тәртіп енгізілді.
Соңғы мәліметтерге сәйкес, Атырау облысында COVID-19 ауруының 4133 жағдайы ресми түрде тіркелді, ал елімізде олардың саны 41065-ке жетті.
Сурет: azh.kz
