Атырау облысының әкімі Махамбет Досмұхамбетовтың төрағалығымен өткен отырыс барысында Теңгіздегі жағдайға қатысты мәселелер көтерілді, деп хабарлайды tengrinews.kz ақпарат ресурсы.
Отырыс барысында аймақ басшысына Теңіз кен орнынан 12 мыңға жуық адам шығарылып, олардың барлығы тұратын жеріне жеткізілгенін мәлімдеді.
Соңғы мәліметтерге сәйкес, Теңгізде коронавирусты жұқтырудың 82 оқиғасы анықталды, сырқаттармен тығыз байланыста болған 1600-ден астам адам оқшауланды.
Осыған байланысты Теңгізде барлық жұқтыру ошақтарында дезинфекциялық жұмыстар жүргізіліп, кен орнының айналасында қауіпсіздік шаралары күшейтілді және бақылау-өткізу пунктері қойылды.
Бұған қарамастан, “Теңізшевройл” ЖШС бас директоры Имер Боннер қазір Теңгіздегі жұмыс штаттық режимде жүзеге асырылып жатқанын, алайда кейбір өндірістік процестерді кейінге қалдыруға тура келгенін мәлімдеді.
Сондай-ақ, Имер Боннер қазіргі уақытта “Теңізшевройл” ЖШС өз қызметкерлерін кен орнынан шығарумен айналысып жатқанын, ал Теңгізде жұмыс істеуге қалғандарға төлем бір жарым есе мөлшерде есептелетінін атап өтті.
Аймақ басшысы өз кезегінде алдын алу жұмыстарын күшейту және қызметкерлерді Теңгізден уақытылы шығару қажеттілігін мәлімдеді, осыған байланысты уәкілетті органдарға тиісті шаралар қабылдауды тапсырды.
