Татарстан басшысы Рустам Минниханов келесі жексенбі, 27 қыркүйекте Қазақстан Республикасына келуді жоспарлап отыр.
Сапардың басты мақсаты – Камаз маркалы ресейлік жүк көліктеріне арналған құрамдас бөліктерін шығаратын жаңа зауыттың құрылысына тас төсеу рәсіміне қатысу. Бұл кәсіпорын ресейлік “КамАЗ” компаниясы мен “Агромашхолдинг KZ” АҚ-ның бірлескен жобасы болып табылады.
Татарстанның Қазақстандағы өкілдігі Қостанайдың индустриялық аймағында салынатын бірлескен кәсіпорынның арқасында екі республиканың интеграциясы жаңа деңгейге шығатынын атап өтті.
Қостанай облысында Татарстан Президенті бірқатар келісімдер мен меморандумдарға қол қою рәсімдеріне қатысады деп жоспарлануда.
Бұған дейін 2020 жылы қазақстандықтар бұрынғыға қарағанда жиі Камаз сатып ала бастағаны хабарланған болатын. Бұған осы жылдың бірінші жартыжылдығында ресейлік жүк көлігін өндіруші біздің елге 19 машина мен 682 құрамдас бөлшектерді экспорттағандығы дәлел. Бұл 2019 жылдың көрсеткішінен 21,4%-ға артық.
Сондай-ақ, 2020 жылдың алты айында Қазақстан нарықтадағы “КамАЗ” компаниясының үлесі 50%-ды құрады, өткен жылдың осы кезеңінде 31% құраған болатын.
Сурет: m.tvzvezda.ru
