Көлік комитеті темір жол көлігіндегі қызмет құнын анықтау әдістемесін регламенттеуге ниетті.
Мұндай әдістеме әзірше мемлекет субсидиялайтын маршруттарға қатысты ғана қолданылады. Енді көлік органының өкілдері бұл тәжірибені коммерциялық бағыттарға да таратуға ниетті. Оның ішінде «Тұлпар-Talgo»пойыздарында жүзеге асырылатын болады.
Баспасөз конференциясы барысында көлік және коммуникация министрлігі Көлік комитетінің төрағасы Әсет Асавбаев атап өткендей, бұл пойыздар мемлекеттік бюджеттен қаржыландырылмайды. Оларды ұлттық тасымалдаушы өз қалауы бойынша қолданыстағы стандартты пойызға балама ретінде іске қосты. Сондықтан шығындарды жабу үшін тасымалдаушы жол жүру бағасы саясатын дербес жүргізеді.
«БАҚ деректері бойынша және жалпы алғанда біз қазір баға белгілеу мәселелерін талқылаудамыз. Бұл барлық билеттердің қымбаттауы туралы сөз емес. Бұл орын аз болған кезде, құнын күрт өсіру туралы сөз. Күрт өсіруге қаншалықты негізі бар – біз қазір «ҚТЖ»-мен бірлесе осыны қарастырып отырмыз. Біздің Қаржы-шаруашылық қызметке заңды түрде араласуға құқымыз жоқ. Егер бұл субсидияланған бағыт болса, басқа әңгіме болар еді. Бірақ бұл коммерциялық бағыт. Алайда, мұндай бағаның өсуі бізді де қанағаттандырмайды. Осыған байланысты біз құнды анықтау әдістемесін заң жүзінде регламенттеуді жоспарлап отырмыз», – деп түсіндірді Әсет Асавбаев.
Ол барлық әлеуметтік маңызы бар пойыздарда динамикалық баға белгілеу жүйесі қолданылатынын атап өтті. Тасымалдау ерте жоспарланса, жолаушыларға жол жүру құжатын 25% жеңілдікпен сатып алу мүмкіндігі беріледі.
Қазақстанда барлығы 2600 вагон пайдаланылуда. Олардың тозу деңгейі 45,9% құрайды. Бұл 20 жылдан астам жұмыс істейтін вагондар.
Сулет: abctv.kz
