Uzbekistan Airways әуекомпаниясы апта сайын Ташкент — Киев — Ташкент бағыты бойынша чартерлік рейс ашады, деп дүйсенбі күні ұлттық өзбек әуе тасымалдаушысының баспасөз қызметі хабарлады.
Рейстер сенбі күні Airbus A320 лайнерлерімен орындалады.
Өзбекстан ұлттық авиакомпаниясы 2015 жылдың мамыр айына дейін Ташкент — Киев — Ташкент бағыты бойынша тұрақты рейстерді орындады. Ұшулар екі елдің авиациялық биліктері арасындағы келісімдердің жоқтығынан тоқтатылды. «Украинаның халықаралық желілері» Әуекомпаниясы осы бағыт бойынша ұшуларды тоқтатты.
Uzbekistan Airways-Өзбекстандағы монополиялық әуетасымалдаушы, 100% мемлекетке тиесілі. Компания Еуропа, Азия, Америка елдеріне 60-тан астам бағыт бойынша тұрақты рейстерді жүзеге асырады, Аляскадан Жаңа Зеландияға дейін чартерлік рейстерді орындайды. Қазіргі таңда «Узбекистон хаво йуллари» ҰАК әуе паркі заманауи және жайлы «Boeing-757/767», «Boeing-787-8 Dreamliner», «Airbus А320» ұшақтарынан, сондай-ақ «Boeing-767-300BCF»жүк әуе кемелерінен тұрады.
