28 наурызда Ташкентте шекара әскерлері қолбасшылары кеңесінің 81-ші отырысы өтеді,деп хабарлайды Тәуелсіз Мемлекеттер Достастығы Атқарушы комитетінің баспасөз қызметі.
Отырысқа Әзірбайжан, Армения, Беларусь, Қазақстан, Қырғызстан, Ресей, Тәжікстан, Түрікменстан, Өзбекстан шекаралық ведомстволарының басшылары, Шекара әскерлері қолбасшылары кеңесінің үйлестіру қызметі, Тәуелсіз Мемлекеттер Достастығы органдары – атқарушы комитет, терроризмге қарсы орталық, ұйымдасқан қылмысқа және қылмыстың өзге де қауіпті түрлеріне қарсы күресті үйлестіру бюросы және ШЫҰ АЛҚҚ Атқарушы комитеті қатысады деп жоспарлануда.
Тәуелсіз Мемлекеттер Достастығына қатысушы Орталық Азия мемлекеттерінің сыртқы шекараларындағы жағдайды және оның даму үрдістерін талқылау, 2021-2025 жылдарға арналған сыртқы шекараларда шекаралық қауіпсіздікті нығайтудағы ТМД-ға қатысушы мемлекеттердің ынтымақтастық бағдарламасының жобасын, келесі кезеңге арналған бірлескен арнайы шекаралық операцияларды дайындау және өткізу тәртібін және шекара әскерлері қолбасшылары кеңесінің 2020 жылға арналған жұмыс жоспарының жобасын қарау жоспарлануда.
Сондай-ақ, кеңеске қатысушылар Ұлы Отан соғысындағы Жеңістің 75 жылдығына арналған ТМД-ға қатысушы мемлекеттердің сыртқы шекаралары бойымен эстафета дайындау және оны өткізу жөніндегі жұмысты ұйымдастыруды талқылайды.
Бұдан басқа, нормативтік шығармашылық және бірлескен ғылыми-зерттеу қызметі мәселелері қаралалып, ұйымдастырушылық және кадрлық сипаттағы бірқатар шешімдер қабылданатын болады.
Сурет: kyrtag.kg
