Ресей Сыртқы істер министрінің орынбасары Игорь Моргулов Ташкентте Шанхай Ынтымақтастық Ұйымына (ШЫҰ) қатысушы елдердің премьер-министрлерінің кездесуі өтетінін айтты. Бұл туралы ТАСС ақпараттық агенттігі хабарлады.
“Ұлттық үйлестірушілер кеңесі – ұйым шеңберінде қабылданған шешімдерді жоғары деңгейде іске асыруды қамтамасыз ететін маңызды буын. Осы кезеңдегі кеңестің негізгі міндеті – 31қазан – 1қараша аралығында Ташкентте ШЫҰ-ға мүше мемлекеттердің үкімет басшыларының кездесуін мазмұнды толықтырулармен қамтамасыз ету және біздің Ұйымның Санкт-Петербургте шілде айында өтетін саммитке дайындықты бастау”, – деді Моргулов.
Сондай-ақ, спикер Шанхай ынтымақтастық ұйымының қызметі мәселелері бойынша консультациялар өткізу жоспарланғанын хабарлады.
“ШЫҰ-ны кеңейту тақырыбы бойынша кешенді тақырыптық әңгіменің уақыты жетті. Бұл мәселелерді ағымдағы жылдың соңына дейін Мәскеуде өтетін сыртқы істер министрлерінің орынбасарлары деңгейінде халықаралық мәселелер бойынша кезекті консультациялар барысында талқылауға дайынбыз”, – деп толықтырды төраға.
