Ташкентте РУ ішкі істер министрінің бірінші орынбасары Әзиз Ташпулатов пен ҚР Ішкі істер министрінің орынбасары Арыстангани Заппаровтың төрағалығымен Өзбекстан-Қазақстан ведомствоаралық үйлестіру жұмыс тобының отырысы өтті, деп ХАА “ҚазАқпарат” меншікті тілшісі хабарлайды.
Отырыс барысында өзекті мәселелер талқыланды, сондай-ақ терроризмге, экстремизмге және заңсыз көші-қонға қарсы күрес саласында ақпарат алмасу бойынша екі елдің құқық қорғау органдары қызметінің перспективалары қаралды. Сонымен қатар, Өзбекстан мен Қазақстан Ішкі істер министрліктерінің жедел-іздестіру қызметі бойынша ынтымақтастығы мәселелері талқыланды.
Кеңес қорытындысы бойынша тараптар екі елдің шекара маңындағы ішкі істер органдары арасындағы ынтымақтастықты дамытуға бағытталған іс-шараларды, сондай-ақ 2020-2021 жылдарға арналған қылмысқа қарсы күрес жөніндегі бірлескен жедел-алдын алу іс-шараларының жоспарын көздейтін хаттамаға қол қойды.
