Таразда коронавирустық инфекцияны жұқтыру себебінен әскери бөлімде карантин режимі енгізілді. Бұл туралы қалалық әкімдіктің баспасөз қызметінен хабарлады.
Сөз “Оңтүстік” өңірлік қолбасшылығының 01731 әскери бөлімі туралы болып отыр. Коронавирус келісім-шарт бойынша жұмыс істейтін қызметкерлерде анықталды, яғни жедел қызметтегі әскери қызметкерлер арасында жұқтырғандар жоқ.
Алайда, қанша әскери қызметкерикоронавирус инфекциясын жұқтырғаны белгісіз, себебі Тараздың атқарушы билік органы әзірге нақты ақпарат берген жоқ.
Бұрынырақ Тараздың жұқпалы аурулар стационарына 20 әскери қызметші жатқызылғаны, әскери бөлім аумағында дезинфекциялық жұмыстар жүргізілгені хабарланған.
Қазақстан Қорғаныс министрлігінің ақпараты бойынша, қазір әскери қызметшілер еліміздің қалаларында өтетін дезинфекциялық жұмыстарға, сондай-ақ өткізу-бақылау пункттерінде кезекшілікке жұмылдырылған.
Соңғы мәліметтерге сәйкес, Жамбыл облысында коронавирус инфекциясын жұқтырудың 103 жағдайы, ал Республика бойынша барлығы 2601 жағдайы тіркелді.
