Тараз қаласында коронавирустық инфекцияның таралуының алдын алу мақсатында дезинфекциялық жұмыстар басталды. Бұл туралы «Қазақпарат»ақпарат агенттігі хабарлады.
«Оңтүстік» өңірлік қолбасшылығының әскери қызметшілері жүргізген дезинфекцияны қайта жаңарту туралы шешім қалада COVID-19 жұқтыру жағдайларының өсуіне байланысты қабылданды.
Бүгінгі таңда әскери қызметшілер 50 әлеуметтік маңызды нысанды арнайы ерітіндімен өңдеп үлгерді. Бұл тұрғын үйлер, балалар алаңдары, базарлар мен сауда орындары.
«Оңтүстік» қолбасшылығының 22534 әскери бөлімінің командирі Владимир Торлоповтың айтуынша, дезинфекция кезінде әскери қызметшілер «Рубеж» дезинфекциялық затынан және «Қалқан»қосымша ерітіндісінен тұратын ерітіндіні пайдаланады.
Сонымен қатар, командир бұл екі компонентті ерітінді адам мен жануарлардың денсаулығына қауіп төндірмейді, сондай-ақ өсімдіктер үшін қауіпсіз екенін айтты.
Қазақстандық қорғаныс министрлігінің ақпараты бойынша, төтенше жағдай кезінде «Оңтүстік» қолбасшылығының әскери қызметшілері өз аумағында ғана емес, сонымен қатар Нұр-сұлтан, Қарағанды, Қостанай және Петропавл қалаларында да дезинфекциялық жұмыстарға тартылған.
Жамбыл облысында коронавирустық инфекцияны жұқтырудың 405 оқиғасы ресми түрде тіркелді,ал біздің елімізде олардың саны 12067 құрайды.
Сурет: inform.kz
