Бүгін Жамбыл облыстық соты ғимаратының жанында ақпан айында жала жапқаны үшін сотталған Абай Жүндібаевтың аппеляциялық шағымына 15 адам жиналды.
Алайда, сот ғимаратына карантин жағдайда байланысты ешкімді жібермеді. Кейін сот мекемесіне ішкі істер органдарының қызметкерлері келіп, жиналғандарды ұстады.
Олардың бірі Жанат Естаева жиналғандар әлеуметтік қашықтықты сақтағанын, бірақ кенеттен полиция қызметкерлері келіп, оларды алып кете бастағанын айтты.
Бұл туралы облыстық полиция ведомствосы түсіндірді. Онда ұсталған азаматтармен карантиндік шараларды сақтау бойынша профилактикалық әңгіме жүргізілгенін мәлімдеді.
Іс материалдарына сәйкес, Абай Жүндібаев ақпан айында жала жапқаны үшін кінәлі деп танылып, бір жылға шартты түрде бас бостандығынан айыру жазасына кесілді. Алайда белсенді үкіммен келіспей, шағым беруге ниет білдірді.
Барлығы ауылдық округінің әкімі Бейбіт Нигматуллаев қарағашты заңсыз кесіп жатқан бейнероликті жариялауынан басталды. Шенеунікке бұл ұнамай, оны жала жапьы, қорлады деп айыптап сотқа берді.
Сурет: rus.azattyg.org
