Республикамыздың Қорғаныс ведомствосы 2 қыркүйекте біздің әскери қызметшілер Халықаралық әскери ойындар – 2020 байқауының “Танк биатлоны” жартылай финалдық эстафетасына қатысатынын хабарлады.
Танк жарысы Мәскеу облысындағы “Алабино” Ресей полигонының аумағында өтуде. Финалға шығу үшін қазақстандық танкистер Ресей, Қырғызстан және Өзбекстаннан келген әріптестерімен жарысқа түседі.
Сондай-ақ, финалға шығу үшін Әзірбайжан, Беларусь, Қытай және Сербияның әскери қызметшілері бақ сынасады. Бұл командалардың қатысуымен жартылай финал эстафетасы ертең өтеді.
Қазақстанның Қорғаныс министрлігі жартылай финалдық жарысқа әр елден үш экипаж қатысады, олардың әрқайсысы үш атыс шебі мен 10 кедергілері бар жалпы ұзындығы 16 шақырымнан астам трассаны 4 айналып өтуі қажеттігін нақтылап айтты.
Сонымен қатар, министрлік әскери қызметшілер жартылай финалдық жарыстарда көрсеткен қорытынды уақытының негізінде финалдық жарысқа қатысатын төрт команда анықталатынын түсіндірді.
Қорғаныс ведомствосы “Танк биатлонының” соңғы жарысы Халықаралық әскери ойындар – 2020-ның жабылу күні – 5 қыркүйекке жоспарланғанын қоса айтты.
Сурет: kt.kz
